វិទ្យុជាតិកម្ពុជា ៖ លោកស្រី ហាន់ ស្រីណា 

ភ្នំពេញ ៖ កងរាជអាវុធហត្ថលើផ្ទៃប្រទេស បានរឹតបន្តឹង មិនឲ្យប្រជាពលរដ្ឋធ្វើដំណើរ ចេញ-ចូល តាមផ្លូវគោក និងផ្លូវទឹក ដោយគ្មាន ការអនុញ្ញាតឡើយ ខណៈដែលរាជរដ្ឋាភិបាលបានដាក់ចេញនូវវិធានការ រឹតត្បិតការចេញចូលរបស់ប្រជាពលរដ្ឋ ពីខេត្តមួយទៅខេត្តមួយ ដើម្បីកាត់ផ្តាច់កុំឲ្យមានការចម្លងថ្មីនៃជំងឺកូវីដ-១៩ ។

photo_2021-04-23_18-44-35.jpg

លោក ឧត្តមសេនីយ៍ត្រី អេង ហ៊ី អ្នកនាំពាក្យកងរាជអាវុធហត្ថលើផ្ទៃប្រទេស បានមានប្រសាសន៍ថា ក្នុងដំណាក់កាលនៃការហាមឃាត់ ការចរាចររបស់ប្រជាពលរដ្ឋ ដើម្បីទប់ស្កាត់កុំឲ្យមានការរីករាលដាលជំងឺកូវីដ-១៩នេះ ពលរដ្ឋមួយចំនួន នៅតែល្មើសនឹងបម្រាមផ្សេងៗ លួចបន្លំចេញតាមគ្រប់រូបភាព។ លោកឧត្តមសេនីយ៍ត្រីបន្តថា ដើម្បីចូលរួមក្នុងការទប់ស្កាត់នៃការធ្វើចរាចរណ៍ របស់ប្រជាពលរដ្ឋ ក្នុងអន្តរកាល នៃការបិទខ្ទប់មិនឱ្យមានការចេញចូលមកក្នុងរាជធានីភ្នំពេញ ឬក៏ចូលទៅក្នុងក្រុងតាខ្មៅ ក៏ដូចជាបណ្ដាខេត្តនានា កងរាជអាវុធហត្ថលើផ្ទៃប្រទេស បានពង្រាយកម្លាំងសហការជាមួយអាជ្ញាធរពាក់ព័ន្ធទាំងអស់ បង្កើនការត្រួតពិនិត្យ២៤ម៉ោងលើ២៤ម៉ោង មានក្រុមល្បាតចល័តតាមផ្លូវគោក ផ្លូវទឹក និងតំបន់ប្រឈមខ្ពស់ ដើម្បីទប់ស្កាត់ឱ្យបានម៉ឺងម៉ាត់បំផុត មិនឲ្យប្រជាពលរដ្ឋលួចធ្វើចរាចរណ៍ ល្មើសនឹងបម្រាមគោចររបស់រាជរដ្ឋាភិបាល។

photo_2021-04-23_18-42-13.jpg

សំឡេង៖"ថ្មីៗនេះយើងឃើញហើយឡានពេទ្យមួយចំនួនដែលគាត់មានលាក់មនុស្សឡានដឹកទំនិញក៏មានលាក់មនុស្សរហូតទៅដល់ដឹក ជញ្ជូនទៅតាមផ្លូវទឹកទៀតអ៊ីចឹងតាមបទបញ្ជាថ្នាក់ដឹកនាំគឺឲ្យកម្លាំងរបស់យើងទប់ស្កាត់តាមផ្លូវទឹកចឹងយើងមានមួយក្រុមធ្វើអន្តរាគមន៍នៅតាមផ្លូវហ្នឹងហើយយើងបំពាក់នូវឧបករណ៍ផ្សេងទៀតជាចាំបាច់បញ្ហានេះយើងឃើញហើយពាក់ព័ន្ធនឹងឧបករណ៍បំពងសំឡេងផ្សេងៗនិងប្រព័ន្ធការពារ យូវីផ្សេងៗយើងបំពាក់បន្ថែមជាពិសេសមធ្យោបាយដែលយើងចល័ត"។

photo_2021-04-23_18-42-13 (2).j.jpg

លោកឧត្តមសេនីយ៍ត្រី ក៏បានបញ្ជាក់ផងដែរថា កម្លាំងកងរាជអាវុធហត្ថ ក៏បានចុះអប់រំផ្សព្វផ្សាយប្រជាពលរដ្ឋ ដល់មូលដ្ឋានផងដែរ នូវអ្វីដែលហាមឃាត់និងលក្ខខណ្ឌដែលប្រជាពលរដ្ឋអាចចេញបានក្នុងករណីចាំបាច់៕

 អ៊ឺម រតនៈ

វិទ្យុជាតិកម្ពុជា

ព័ត៌មានជាតិ

វិទ្យុជាតិកម្ពុជា ៖ លោកស្រី ហាន់ ស្រីណា ភ្នំពេញ ៖ កងរាជអាវុធហត្ថលើផ្ទៃប្រទេស បានរឹតបន្តឹង មិនឲ្យប្រជាពលរដ្ឋធ្វើដំណើរ ចេញ-ចូល តាមផ្លូវគោក និងផ្លូវទឹក ដោយគ្មាន ការអនុញ្ញាតឡើយ ខណៈដែលរាជរដ្ឋាភិបាលបានដាក់ចេញនូវវិធានការ រឹតត្បិតការចេញចូលរបស់ប្រជាពលរដ្ឋ ពីខេត្តមួយទៅខេត្តមួយ ដើម្បីកាត់ផ្តាច់កុំឲ្យមានការចម្លងថ្មីនៃជំងឺកូវីដ-១៩ ។