ប្លែក លឿន ទុកចិត្តបាន នៅពេលណា ទីណាក៏បាន

កូរ៉េខាងត្បូងនឹងចូលរួមនៅក្នុងកិច្ចប្រជុំលំហអាកាស​ អ.ស.ប

AKP ភ្នំពេញ ថ្ងៃទី១១ ខែកុម្ភៈ ឆ្នាំ២០១៩ — រដ្ឋាភិបាលបាននិយាយនៅថ្ងៃចន្ទថា ប្រទេសកូរ៉េខាងត្បូងនឹងធ្វើជាផ្នែកមួយ​នៅក្នុង​កិច្ចប្រជុំលំហអាកាសនៅ អ.ស.ប មួយ ដើម្បីកិច្ចពិភាក្សាគ្នាពីកិច្ចសហប្រតិបត្តិការជាសកល នា​ពេល​អនាគតនៅក្នុងសកម្មភាពលំហអាកាសនានា។

ក្រសួងវិទ្យាសាស្រ្ត និង ICT បាននិយាយថា កិច្ចប្រជុំអនុគណៈកម្មាការនេះបានធ្វើ​ឡើងធ្វើឡើងនៅថ្ងៃចន្ទនេះ (ម៉ោងក្នុងស្រុក) សម្រាប់កិច្ចដំណើរការរយៈពេល១២ថ្ងៃមួយ នៅ​ទីក្រុងវីយែន ប្រទេសអូទ្រីស និងត្រូវបានចូលរួមពីប្រទេសជាសមាជិកចំនួន៨៧ប្រទេស នៃ​គណៈគណកម្មាធិការ អ.ស.ប​ ស្តីអំពីការប្រើប្រាស់ប្រកបដោយសន្តិភាព​នៃលំហខាងក្រៅ (COPUOS)។​

ពួកមន្រ្តីបាននិយាយថា ការជួបប្រជុំគ្នានេះ ក្នុងគោលបំណងស្ថាបនាសហគមន៍ដ៏ធំ​ទូលាយ​មួយ នឹងត្រូវបានបម្រើជាឱកាសមួយសម្រាប់សហគមន៍ពិភពលោក ​ក្នុងកិច្ចពិភាក្សាគ្នា​ពីវគ្គសិក្សានាពេលអនាគតនៃកិច្ចសហប្រតិបត្តិការលំហអាកាសនេះ។

ប្រទេសកូរ៉េខាងត្បូងនឹងបញ្ជូនគណៈប្រតិភូមួយក្រុម ដែលមានអ្នកជំនាញប្រហែល​១០នាក់​ ដើម្បីចែករំលែកនូវសមិទ្ធិផលថ្មីៗរបស់ប្រទេស​នៅក្នុងផ្នែកនេះ មានដូចជាការធ្វើ​ឡើង​​ប្រកបដោយសន្តិភាពនៃម៉ាស៊ីនរ៉ុក្កែតដែលផលិតនៅក្នុងស្រុក​ និងទីកន្លែងនៃប្រព័ន្ធ​ផ្កាយរណប​ចំនួនពីរនៅក្នុងគន្លងគោចរ។

COPUOSត្រូវបានគេបង្កើតឡើង​នៅក្នុងឆ្នាំ១៩៥៩ ស្ថិតនៅក្រោមឆ័ត្រអង្គការ​សហប្រជាជាតិ ក្នុងការបង្កើតនូវច្បាប់អន្តរជាតិ​សម្រាប់ការរុករក និង​ការប្រើប្រាស់ប្រកប​ដោយសន្តិភាព​នៃលំហអាកាសខាងក្រៅ៕

( ប្រភព យន់ហាប់: បកប្រែដោយលោក មាស សំអុល  )